ចេញផ្សាយ ថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២០
ព្រះបរមនាមដ៏ខ្ពង់ខ្ពស់ នៃព្រះករុណា ព្រះបាទសម្ដេចព្រះ នរោត្ដម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី ឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ត្រូវបានប្រសិទ្ធនាមលើដងវិថីដ៏សំខាន់មួយ ក្នុងទីក្រុង Dhaka នៃប្រទេសបង់ក្លាដេស ដែលត្រូវបានប្រារព្ធពិធីប្រសិទ្ធនាមជា “ King Norodom Sihanouk Road “ កាលពីថ្ងៃទី២៦ ខែកុម្ភៈ ឆ្នាំ២០២០។
ក្នុងពិធីដ៏ថ្លៃថ្លានេះ ក៏មានវត្តមានមន្ត្រីជាន់ខ្ពស់កម្ពុជាចូលរួមសម្ភោធ អមដោយការដាក់តាំងព្រះឆាយាល័ក្ខណ៍របស់ព្រះអង្គយ៉ាងល្អប្រណិតផងដែរ ដែលមើលទៅសបង្ហាញអោយឃើញថា ប្រទេសបង់ក្លាដេស មានការគោរពស្រលាញ់ ព្រះវរាជបិតាជាតិខ្មែរ ព្រះបាទ នរោត្តម សីហនុ យ៉ាងខ្លាំងជាបំផុត។
បើទោះបីជាព្រះអង្គ បានយាងចូលទីវង្គត់ទៅហើយក្តី តែព្រះកិត្តិនាម និងស្នាមព្រះហស្ថទ្រង់ ស្ថិតនៅក្នុងដួងចិត្តប្រជានុរាស្ត្រ ព្រមទាំងមិត្តបរទេសមិនអាចបំភ្លេចបានឡើយ៕
