ចេញផ្សាយ ថ្ងៃសុក្រ ទី២៨ ខែកុម្ភៈ ឆ្នាំ២០២០
សៀមរាប៖ ដើម្បីសម្រួលក្នុងការធ្វើដំណើរ និងសោភ័ណ្ឌភាពក្រុង នៅថ្ងៃទី២៨ ខែកុម្ភៈ ឆ្នាំ២០២០លោក អុឹង សុភ័ណ នាយកទីចាត់ការអន្តរវិស័យបានដឹកនាំក្រុមកាងារចម្រុះរដ្ឋបាលខេត្ត ចុះពិនិត្យសំណង់ចំណីផ្លូវ ទូរATM និងដាក់ឱសានវាទរុះរេី ដេីម្បីត្រៀមការសាងសង់ពង្រីក។
បើតាមរដ្ឋខេត្តបានអោយដឹងថា ផ្លូវសុខសាន្ត ត្រូវបានរដ្ឋបាលខេត្តសៀមរាប លើកគម្រោងថវិកាខេត្តឆ្នាំ២០១៩ ដើម្បីពង្រីក ដោយអ៊ុតកៅស៊ូបេទីម AC ពីផ្លូវស៊ីវត្ថាដល់ផ្លូវក្រវ៉ាត់ក្រុង(ក្រោលសេះ) ប្រវែង ១៦០០ម៉ែត្រ និងការដាក់លូមុខកាត់ ៨តឹក សងខាងផ្លូវផងដែរ។
សូមជំរាបថា បច្ចុប្បន្នមន្ទីរសាធារណៈការ និងដឹកជញ្ជូន បាននឹងកំពុងអនុវត្តពីម្ដុំផ្លូវបំបែកក្រោលសេះ ដោយកំពុងសម្អាតជួរតម្រង់ផ្លូវ និងដាក់លូជាមុនសិន ទើបចាប់ផ្ដើមជួសជុលស្រទាប់គ្រឹះ អនុវត្តបានប្រមាណ២០ភាគរយ។
ដូចនេះសូមបងប្អូនសាធារណជននៅតាមដងផ្លូវ សូមរុះរើសំណង់នានាដែលប៉ះពាល់ទៅលើដីចំណីផ្លូវ តាមការជូនដំណឹងរបស់អាជ្ញាធរមូលដ្ឋាន ដើម្បីឱ្យដំណើរការសាងសង់បានទៅតាមពេលវេលាកំណត់។
ជាមួយគ្នានេះ រដ្ឋបាលខេត្តសៀមរាប ក៏សូមថ្លែងអំណរគុណ ដល់បងប្អូនប្រជាពលរដ្ឋរស់នៅតាមដងផ្លូវនេះដែលបានសហការជាមួួយរដ្ឋបាលខេត្ត ដេីម្បីឲ្យកិច្ចសាងសង់ពង្រីកផ្លូវនេះមានភាពរលូន និងបញ្ចប់តាមរយៈពេលកំណត់៕
