ចេញផ្សាយ ថ្ងៃព្រហស្បតិ៍ ទី១២ ខែមីនា ឆ្នាំ២០២០
ភ្នំពេញ៖ មានអ្នកឆ្លងសរុបជាង126.000 នាក់នៅប្រទេសជាង120។ ឈឺធ្ងន់ធ្ងរមានជិត6.000នាក់ ខណៈអ្នកស្លាប់ដោយកូវីដ១៩មានចំនួន 4.627 នាក់។ នេះបេីយោងតាមទំព័រហ្វេសបុកផ្លូវការរបស់លោក Kimseng Men នៅថ្ងៃទី១២ ខែមីនា ឆ្នាំ ២០១៩។
ប្រទេសអ៊ីតាលីប្រកាសបិទគ្រប់សកម្មភាពពាណិជ្ជកម្ម ការិយាល័យការងារ ភោជនីយដ្ឋាន និងហាងទំនិញនានា លើកលែងតែ ឱសថស្ថាន មធ្យោបាយធ្វើដំណើរ ហាងលក់គ្រឿងទេស ប៉ុណ្ណោះ ក្រោយពីមានអ្នកឆ្លងថ្មី 2.313 នាក់តែក្នុងមួយថ្ងៃ ដែលធ្វើឱ្យអ្នកឆ្លងសរុបឡើងដល់ 12.462 និងស្លាប់827 នាក់។ មិនតែប៉ុណ្ណោះចិនបានបញ្ជូនក្រុមអ្នកជំនាញសុខាភិបាល និងសម្ភារៈទៅជួយអ៊ីតាលីតាមការអំពាវនាវរបស់រដ្ឋមន្ត្រីការបរទេស៕
