ចេញផ្សាយ ថ្ងៃសៅរ៍ ទី៣០ ខែមករា ឆ្នាំ២០២១
ភ្នំពេញ៖ ក្រសួងសុខាភិបាលបានប្រកាសឲ្យដឹងថា នៅថ្ងៃទីក្រសួងបានរកឃើញអ្នកឆ្លងជំងឺ១៩ថ្មីម្នាក់ និងអ្នកជាសះស្បើយចំនួន៥នាក់ នៅថ្ងៃទី៣០ ខែមករា ឆ្នាំ២០២១នេះ។
ក្រសួងថាការរកឃេីញករណីជំងឺកូវីដ-១៩ នាំចូលថ្មី១នាក់ (ខេត្តប៉ៃលិន) និងមានជាសះស្បេីយ ៥នាក់ (បន្ទាយមានជ័យ: ២នាក់ ភ្នំពេញ: ១នាក់ និងឧត្តមានជ័យ: ២នាក់) ដូច្នេះចំនួនករណីជំងឺកូវីដ-១៩ សរុបកេីន៤៦៤នាក់ ចំនួនសំរាកពេទ្យនៅសល់ចំនួន២១នាក់ និងចំនួនជាសះស្បេីយសរុបកេីន ៤៤៣នាក់ និង ស្លាប់គ្មាន ។
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយ ។
យេីងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។ យេីងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល។
សូមបញ្ជាក់ថា ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី២៧ ខែមករា ឆ្នាំ២០២០ និងបានធ្វេីតេស្តចំនួន៤០០១៦៣ ស្មេីនឹង២៣៨១៩ ក្នុង១លាននាក់៕
