ចេញផ្សាយ ថ្ងៃសុក្រ ទី១២ ខែកុម្ភៈ ឆ្នាំ២០២១
ភ្នំពេញ៖ នៅព្រឹកថ្ងៃទី១២ ខែកុម្ភ: ឆ្នាំ២០២១នេះ អង្គការសង្គមស៊ីវិល និងសហជីព ចំនួន៥៩នៅកម្ពុជា បានជួបជុំគ្នាដាក់ញត្តិជូនស្ថានទូតមីយ៉ាន់ម៉ា ក្នុងការថ្កោលទោសចំពោះការរំលោភអំណាច របស់យោធា តាមរយ:រដ្ឋប្រហារ ដែលស្ថិតនៅតាមបណ្តោយមហាវិថីព្រះនរោត្តម។
សង្គមស៊ីវិលបង្ហាញថា រដ្ឋប្រហារយោធារបស់ភូមា គឺជាការរំលោភឆន្ទ:ប្រជាពលរដ្ឋមីយ៉ាន់ម៉ា និងប៉ះពាល់ដល់លិទ្ធិប្រជាធិបតេយ្យ ដែលកំពុងលូតលាស់នៅក្នុងប្រទេសមួយនេះ។
តាមរយ:ញត្តិនេះ ក្រុមអង្គការសង្គមស៊ីវិលនៅកម្ពុជា ទាមទារឲ្យក្រុមអ្នកដឹកនាំរដ្ឋប្រហារយោធាដោះលែងទីប្រឹក្សារដ្ឋ លោកស្រី អ៊ុង សានស៊ូជី និងថ្នាក់ដឹកនាំរដ្ឋាភិបាលស៊ីវិលដ៏ទៃទៀត។
សង្គមស៊ីវិលនៅកម្ពុជា និងសហជីព ទាំង៥៩ស្ថាប័ន គាំទ្រដល់ការតស៊ូរបស់ពលរដ្ឋមីយ៉ាន់ម៉ា ដេីម្បីប្រឆាំងរដ្ឋប្រហារយោធា និងដេីម្បីកសាងលទ្ធិប្រជាធិបតេយ្យ និងការគោរពសិទ្ធិមនុស្ស៕
