ភ្នំពេញ៖ នៅថ្ងៃទី០៥ ខែវិច្ឆិកា ឆ្នាំ២០២១នេះ សមាជិកយុវជនខ្មែរថាវរៈ អនុប្រធានសមាគមសម្ព័ន្ធនិស្សិតបញ្ញវន្តខ្មែរ និងអតីតសកម្មជន អតីតគណបក្សសង្គ្រោះជាតិ ចំនួន២រូបទៀត ត្រូវបានដោះលែងឱ្យមានសេរីភាពវិញហើយ។
ការដោះលែងឱ្យមានសេរីភាព លើលោក មាន ព្រហ្មមុនី អនុប្រធានសមាគមសម្ព័ន្ធនិស្សិតបញ្ញវន្តខ្មែរ លោក កើត សារ៉ាយ.លោក ថា ឡាវី សមាជិកយុវជនខ្មែរថាវរៈ និងអតីតសកម្មជន អតីតគណបក្សសង្គ្រោះជាតិ ចំនួន២រូបទៀត គឺលោក ឈួ ផេង និងលោក ជុំ ពុទ្ធី ក្រោយពួកគេជាប់ពន្ធនាគារអស់រយៈពេលជាង១ឆ្នាំ ព្រោះតែធ្វើការតវ៉ាទាមទារឱ្យមានការដោះលែងលោក រ៉ុង ឈុន។
ដោយឡែក លោក មួង សុភ័ក្ត្រ.កញ្ញា អេង ម៉ាឡៃ យុវជន កាក់ សុវណ្ណឆៃ និងត្រូវដោះលែងឱ្យមានសេរីភាពឡើងវិញ នៅថ្ងៃទី០៨ ចំណែកលោក ហ៊ុន វណ្ណៈ.លោកស្រី ឈឿន ដារ៉ាវី និងត្រូវដោះលែងនៅថ្ងៃទី១២ ខែវិច្ឆិកា ឆ្នាំ២០២១ សប្តាហ៍ក្រោយនេះ៕
