ភ្នំពេញ៖ មេដឹកនាំដែលមានគុណធម៌ និងភាពស្មោះត្រង់ គឺជាក្តីសង្ឃឹមតែមួយគត់របស់ជាតិ និង ប្រជាពលរដ្ឋអ្នកគាំទ្រនៅមូលដ្ឋាន។
ភាពស្មោះត្រង់នេះហើយ ដែលអាចឆក់យកបេះដូងពលរដ្ឋ គ្មានថ្ងៃងាករ៉េ ព្រោះតែបេះដូងជាតិតែមួយដូចគ្នា ទោះស្ថិតក្នុងកាលៈទេសៈណាក៏ដោយ គ្មានអំណាច និងឥទ្ធិពលណាមួយអាចបំបាក់ស្មារតី ទិញទឹកចិត្តរបស់ពួកគាត់បានឡើយ ដែលខុសពីក្រុមក្បត់សម្ព័ន្ធភាព ឆក់យកឱកាសព្រោះតែអំណាច ដើម្បីលាភសក្ការៈរបស់ខ្លួន ដែលគេផ្តល់ឱ្យតែបន្តិចបន្តួចបានតែមួយគែប៉ុណ្ណោះ។
ក្រុមឱកាសនិយមទាំងនេះ ប៉ិនណាស់ខាងសម្តែងជាអ្នកស្មោះត្រង់ស្នេហាជាតិ តែធាតុពិតជាក្រុមពុករលួយផ្តាច់ការហួសពីការថ្លែងទៅវិញទេ។ ក្រុមនេះបើហ៊ានតែមានអ្នករិះគន់ ឬមិនធ្វើតាមយុទ្ធសាស្រ្តរបស់ពួកគេ និងចាប់ផ្តើមចោទមួយរំពេច ដោយគ្មានការពិចារណា អូសគេឯងទម្លាក់ទឹកដោយគ្មានក្តីមេត្តា និងមនោសញ្ចេតនាឡើយ បើប្រឆាំងនិងក្រុមអាញ់នោះ។ តែដើម្បីឱ្យពលរដ្ឋគាំទ្រ ដើម្បីបានកំដរសួនប្រជាធិបតេយ្យក្លែងក្លាយ ថាខ្លួនជាអ្នកស្នេហាជាតិ សីលធម៌ សច្ចៈធម៌ និងយុត្តិធម៌ តែការពិតក្រុមនេះគ្មានឡើយ សីលធម៌ ជេរគេឯងផុតជើងមេឃ គ្មាឡើយសច្ចៈធម៌ មានតែលួចចាក់អ្នកដែលខំស្មោះត្រង់ពីក្រោយ និងរុញទម្លាក់ទឹកជាដើម រីឯ បើនិយាយពីយុត្តិធម៌ គ្មានទេពាក្យថាយុត្តិធម៌ គឺមហាអយុត្តិធម៌នៅនិងក្រុមមួយនេះឯង។
ផ្ទុយមកវិញ លោក កឹម សុខា ចាប់ផ្តើមដោយបេះដូងជាមួយពលរដ្ឋ ទទួលមតិគ្រប់ទិសទី បើកចំហរគ្រប់អ្នកគាំទ្រជួប ស្នើ និងសំណូមពរ ក្នុងភាពជាបងប្អូនកូនក្មួយជាមួយគ្នា ដោយមិនប្រកាន់គ្រប់ស្រទាប់វណ្ណៈ និងពេលវេលា ដែលដួងចិត្តរបស់លោកនៅជាប់ជាមួយពលរដ្ឋតាមមូលដ្ឋាន ទោះបីជាខ្លួនគ្មានសេរីភាពក្នុងការនិយាយស្តីជាសាធារណៈ នៃនយោបាយក៏ដោយ ក្នុងនាមអតីតមេដឹកនាំប្រឆាំងដ៏មានឥទ្ធពលនៅកម្ពុជា លោក កឹម សុខា បានប្រើមនោសញ្ចេតនាភក្តីភាព នៃការនឹករលឹកសួរសុខទុក្ខគ្នាទៅវិញទៅមក ទោះមិនបាននិយាយអ្វីដែលមានក្នុងចិត្តឱ្យអស់ក្តី តែបានត្រឹមឃើញបងប្អូនអ្នកគាំទ្រនៅមូលដ្ឋាន ក៏រូបលោកបានស្ងប់ចិត្តដែរ។
លោក កឹម សុខា ជួបសួរសុខទុក្ខប្រជាពលរដ្ឋនៅខេត្តកំពង់ឆ្នាំង
លោក កឹម សុខា ជាមួយគ្នានោះ កាលពីថ្ងៃទី២០ ខែមីនា ឆ្នាំ២០២២ លោកបានអញ្ជើញចុះជួប និងសួរសុខទុក្ខដោយផ្ទាល់ ជាមួយបងប្អូនមកពីតាមបណ្តាឃុំ ក្នុងស្រុកនានា នៃខេត្តសៀមរាប ប្រកបដោយសេចក្តីនឹករលឹក និងស្និទស្នាលបំផុតនៃដំណើរឆ្លងកាត់ រយៈពេល២យប់ បីថ្ងៃ នៃចុងសប្តាហ៍កន្លងទៅ ដោយលោកបានឆ្លៀត ជួបសួរសុខទុក្ខបងប្អូន ដែលជាអ្នកគោរពស្រឡាញ់រូបលោកដោយផ្ទាល់ ដូចជានៅខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ និងខេត្តកំពង់ធំ មួយចំនួនផងដែរ។
លោក កឹម សុខា ជួបសួរសុខទុក្ខប្រជាពលរដ្ឋនៅខេត្តពោធិ៍សាត់
លោក កឹម សុខា ស៊ូប្រើសកម្មភាពអហិង្សា ធ្វើតាមលទ្ធភាពរបស់លោកជាមួយអ្នកគាំទ្រនៅមូលដ្ឋាន ដាច់ខាតមិនទូងស្គរ បង្អើលគេឯង នាំឱ្យអ្នកគាំទ្រខ្លួនប្រឈមនិងបញ្ហាឡើយ។ ក្នុងនោះ ដោយគ្រាន់តែ សកម្មភាពអញ្ជើញចុះសួរសុខទុក្ខពលរដ្ឋអ្នកគាំទ្រ លោក កឹម សុខា នៅមូលដ្ឋានជាជំហ៊ានដំបូង ធ្វើឱ្យក្រុមក្បត់សម្ព័ន្ធភាពភ័យនោះភ័យ ភ័យរកអ្វីថ្លែងមិនបាន ព្រោះតែប្រជាប្រិយភាពរបស់លោកនៅតែខ្លាំង មិនដូចក្រុមជើងមិនជាប់ដីបានតែហារស្តីតែសកម្មភាពគឺសូន្យ សូន្យហៅមិនឮ មិនដឹងភ្លឺឯណានៃជីវិតនយោបាយរបស់ពួកគេទាំងនោះឡើយ៕
លោក កឹម សុខា ជួបសួរសុខទុក្ខប្រជាពលរដ្ឋ ខេត្តសៀមរាប
លោក កឹម សុខា ជួបសួរសុខទុក្ខពលរដ្ឋ ខេត្តបន្ទាយមានជ័យ
លោក កឹម សុខា ជួបសួរសុខទុក្ខពលរដ្ឋ ខេត្តបាត់ដំបង
លោក កឹម សុខា ជួបសួរសុខទុក្ខពលរដ្ឋ ខេត្តពោធិ៍សាត់
លោក កឹម សុខា ជួបសួរសុខទុក្ខពលរដ្ឋ ខេត្តកំពង់ឆ្នាំង
#TNTV #TNHOTNEWS #KEMSOKHA #កឹមសុខា
