តាកែវ៖ ក្រោយការចេញសកម្មភាពរបស់លោក កឹម សុខា នៅមូលដ្ឋាន ក្នុងការចុះជួបសួរសុខទុក្ខបងប្អូនប្រជាពលរដ្ឋ ដោយក្តីនឹករលឹក បានធ្វើឱ្យក្រុមនយោបាយភ្លើងចំបើងមួយចំនួន ភ័យភ្នែកនៅកញ្ចឹងករ។
ការភ័យរបស់ពួកគេ ដោយខ្លាចប្រជាប្រិយភាពរបស់លោក កឹម សុខា ខណៈខ្លួនកំពុងធ្វើសកម្មភាពនយោបាយ ដើម្បីកំដរសួនប្រជាធិបតេ្យដែលមានតែនៅលើក្រដាស់ និងបបូរមាត់របស់អ្នកកាន់អំណាចតែប៉ុណ្ណោះ។
លោក កឹម សុខា ជួបសួរសុខទុក្ខបងប្អូនប្រជាពលរដ្ឋនៅខេត្តតាកែវ
យ៉ាងណា សកម្មភាពដែលលោក កឹម សុខា ធ្វើនេះ ក៏មិនបានដើរហួសបន្ទាត់ក្រហមរបស់តុលាការដែរ គួរណាស់ក្រុមអ្នកនយោបាយភ្លើងចំបើង ឈប់ភ័យទៅ ភ័យអ្វីក៏ភ័យយ៉ាងនេះ បើគណបក្សប្រជាជន និងប្រមុខរដ្ឋាភិបាលគេមិនភ័យផងនោះ ព្រោះលោក កឹម សុខា គ្មានសិទ្ធិសេរីភាពធ្វើនយោបាយអ្វីឡើយដោយគ្រាន់តែជួបសួរសុខទុក្ខពលរដ្ឋជាធម្មតា។
ការនឹករលឹកគ្នាទៅវិញទៅមកនេះ វាជាទម្លាប់របស់មនុស្សគ្រប់រូបហើយ កុំភ័យឡើយអ្នកនយោបាយក្បត់សម្ព័ន្ធភាព ព្រោះពលរដ្ឋនៅខេត្តតាកែវ ពួកគាត់នឹករលឹកលោក កឹម សុខា នៃអតីតមេបក្សប្រឆាំង ដែលពួកគាត់ធ្លាប់គាំទ្រនាពេលកន្លងមក។ អ្វីដែលលោក កឹម សុខា ធ្វើក៏មិនបាននាំរឿងដល់ពួកគាត់ដែរ មានតែការនាំ សេចក្តីរីករាយ និងការបំបាត់ក្តីនឹករលឹកគ្នាទៅវិញទៅមកប៉ុណ្ណោះ។
លោក កឹម សុខា ជួបសួរសុខទុក្ខបងប្អូនប្រជាពលរដ្ឋនៅខេត្តតាកែវ
យ៉ាងណាអ្នកក្បត់សម្ព័ន្ធភាពដែលកំពុងបង្ខំចូកផងចែវផងនោះ ប្រយ័ត្នធ្លាក់ទឹករលត់ទៀនចូលទន្លេរ ដូចអាជ័យធ្លាក់ទឹក ដែលធ្វើឱ្យអ្នកគាំទ្រប្រឈមបញ្ហាជាបន្តបន្ទាប់ នៃល្បែងនយោបាយមួយនេះរាប់សិបឆ្នាំមកហើយដោយយកពលរដ្ឋជាឈ្នាន់ជាន់ចម្លងភួករបស់ពួកគេនោះ។
ម្យ៉ាងទៀត ក៏មិនប្រាកដាថា ការធ្វើដំណើរទាំងតក់ក្រហល់ មិនច្បាស់អាចដល់គោលដៅមុន និងដោយជោគជ័យឡើយ ព្រោះថាវាអាចបែកកង់ ឬបែកមុខកណ្តាលផ្លូវក៏មាន ចំណែកអ្នកធ្វើដំណើរក្រោយ នៃអនាគតខាងមុខ ក៏មិនប្រាកដថាគេយឺតជាងយើងនោះដែរ ព្រោះអ្នកធ្វើដំណើរយឺត ហើយមួយៗនេះ គឺធ្វើដោយប្រុងប្រយ័ត្នបំផុត ហើយក៏គ្មានយុទ្ធសាស្រ្តទុច្ចរិតអ្វីមកបិទបាំងដែរ តែអ្វីសំខាន់ គឺរាស្ត្រ និងជាតិរស់តែប៉ុណ្ណោះ នៃសិទ្ធិមូលដ្ឋាន ក្នុងការជួបពលរដ្ឋរបស់លោក កឹម សុខា ដើម្បីសម្តែងក្តីរលឹកគ្នាទៅវិញទៅមក ជាមួយអ្នកខេត្តតែកែវ កាលពីថ្ងៃទី២៥ ខែមីនា ឆ្នាំ២០២២នេះ៕
លោក កឹម សុខា ជួបសួរសុខទុក្ខបងប្អូនប្រជាពលរដ្ឋនៅខេត្តតាកែវ
#TNTV #TNHOTNEWS #KEMSOKHA #កឹមសុខា #ក្តីនឹករលឹក
