បាត់ដំបង៖ លោកវរសេនីយ៍ឯក ជឹម សំអោ មេបញ្ជាការកងការពារព្រំដែនគោកលេខ៤០៣ នៅព្រឹកថ្ងៃទី ០៧ ខែមេសា ឆ្នាំ២០២២នេះ បានទទួលរថយន្តសង្គ្រោះមួយគ្រឿង ដែលជាអំណោយដ៏ថ្លៃថ្លារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និងលោកជំទាវ។
ជំនួយដែលកងការពារព្រំដែនគោកលេខ៤០៣ ទទួលបាន ធ្វើឡើងក្នុងពិធីបិទវគ្គហ្វឹកហ្វឺនជំនាញ ភស្ដុភារ ជំនាញយន្តយុទ្ធថ្នាក់វរៈសេនាតូច កងអនុសេនាធំ និងជំនាញបើកបររថយន្តធុនធំនៅសាលាពលទាហានទី៥ យោធភូមិភាគទី៥ ក្រោមអធិបតីភាពឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅសាលាពលទាហានទី៥ យោធភូមិភាគទី៥ ខេត្តបាត់ដំបង៕
#TNTV #TNHOTNEWS #TNTVONLINE #កងពលតូចលេខ៤០៣ #ហ៊ុនម៉ាណែត #MANETHUN #ខេត្តបាត់ដំបង
