ភ្នំពេញ៖ លោក កឹម សុខា នឹងមិនឯកោឡើយ ហើយប្រទេសលោកសេរីខាងលិច ពិសេសសហរដ្ឋអាមេរិក នឹងមិនបំភ្លេចរូបលោកផងដែរ។
លោក កឹម សុខា គឺជាវីរបុរស ដែលបានលះបង់អាយុជីវិតក្នុងការសាបព្រួសឱ្យពលរដ្ឋយល់ដឹងពីគុណតម្លៃនៃសេរីភាព លទ្ធិប្រជាធិបតេយ្យ និងសិទ្ធិមនុស្ស ដែលគួរឱ្យគោរព និងកោតសរសើរ ហើយលោកសមនឹងទទួលបាននូវមេដៃសេរីភាព និងសន្តិភាព ផងដែរ ។
នេះគឺជាការលើកឡើង របស់មេដឹកនាំអន្តរជាតិ នៅក្នុងសន្និសីទអន្តរជាតិមួយ ស្តីពី «ការប្រឈមថ្មី នៃគោលនយោបាយការបរទេសអាមេរិក ទប់ស្កាត់ជាមួយចិន និង រុស្សី» ដោយក្រុមបណ្ឌិតៗផ្នែកវិទ្យាសាស្រ្តនយោបាយ មានជំនាញខាងកិច្ចការបរទេស សន្តិសុខជាតិ លទ្ធិប្រជាធិបតេយ្យ និងបញ្ហាសិទ្ធិមនុស្ស ក្នុងការបង្កើតនូវគោលនយោបាយការបរទេស ការពារជាតិ និងសន្តិសុខមនុស្សជាតិនៅលើ
សកលលោក ប្រយោជន៍ដើម្បីទប់ស្កាត់នូវរាល់ការប្រឈមណាមួយរបស់ក្រុមផ្តាច់ការ និងជនឧក្រឹដ្ឋកម្មសង្រ្គាម មិនថាចិនកុម្មុយនីស្ត រុស្សី និងកូរ៉េខាងជើង។ ដោយសហរដ្ឋអាមេរិក ប្រុងប្រយ័ត្នជារៀងរហូតក្នុងការឃ្លាំមើល និងតាមដានដោយយកចិត្តទុកដាក់បំផុត ទៅលើជនផ្តាច់ការបង្កការរំលោភសិទ្ធិមនុស្ស ជនឧក្រឹដ្ឋកម្មមនុស្សជាតិ និងឧក្រឹដ្ឋកម្មសង្រ្គាមជាដើម។
ជាវាគ្មិនក្នុងសន្តិសីទអន្តរជាតិនោះ ក្រុមអ្នកប្រាជ្ញ បណ្ឌិតឯករាជ្យតាក់តែងគោលនយោបាយ ក្នុងកិច្ចសហការជាមួយរដ្ឋាភិបាល និងរដ្ឋសភាអាមេរិក បានថ្លែងក្នុងសំណួរ និងចម្លើយ Q & A ឱ្យដឹងថា « ជនសន្តិភាព តែងតែ កសាងចំណេះដឹង និងបញ្ញា បង្កើតនូវសេរីភាព ប្រជាធិបតេយ្យ និងសិទ្ធិមនុស្ស ដើម្បីរក្សាសន្តិសុខមនុស្សជាតិនៅលើពិភពលោក តាមមាគ៌ាអហិង្សានិងដោយសន្តិវិធី។ ចំណែកឯជនផ្តាច់ការ ឬជនឧក្រឹដ្ឋកម្មសង្រ្គាម ឬជនឧក្រឹដ្ឋកម្មមនុស្សជាតិ គឺជាជនហិង្សានិយម ជាន់ឈ្លីគុណតម្លៃសេរីភាពមនុស្ស យកពលរដ្ឋជាទាសករកំដរអំណាចផ្តាច់ការរបស់ខ្លួន គំរាមបង្កពិភពលោកឱ្យភ័យខ្លាច និងជ្រួលច្របល់ឱ្យមានអស្ថេរភាពនៃសណ្តាប់ធ្នាប់ពិភពលោក»។
សន្និសីទអន្តរជាតិកាលពីថ្ងៃទី០៥ ខែមេសាកន្លងទៅនោះក៏បានមើលឃើញពីឥទ្ធិពលនយោបាយការបរទេស និងយោធារបស់ចិន កំពុងគ្របដណ្តប់នៅក្នុងតំបន់អាស៊ី-ប៉ាស៊ីហ្វិកផងដែរ ក្នុងនោះមានកម្ពុជា និងភូមា ដែលចិនបានលូកដៃចូលយ៉ាងជ្រៅ នៅក្នុងការបំផ្លិតបំផ្លាញលទ្ធិប្រជាធិបតេយ្យ និងសិទ្ធិមនុស្ស ដូចជាការធ្វើរដ្ឋប្រហារនៅភូមា ជាមួយការចាប់ខ្លួនលោកស្រី អ៊ុង សាន់ស៊ូជី ថ្ងៃទី០១ ខែកុម្ភះ ឆ្នាំ២០២១ និងនៅកម្ពុជា ការចាប់ខ្លួនមេបក្សសង្រ្គោះជាតិ លោក កឹម សុខា និងការរំលាយបក្សប្រឆាំងដ៏ធំបំផុតនៅឆ្នាំ២០១៧ តាមរយៈផ្តល់ជំនួយអភិវឌ្ឍ និងប្រាក់កម្ចី ដែលគ្មានលក្ខខណ្ឌផ្សាភ្ជាប់ ក្រៅពីរំពឹងយកផលប្រយោជន៍ត្រឡប់ទៅវិញ នៃសម្បត្តិធនធានធម្មជាតិរ៉ែ៕
#TNTV #TNTVONLINE #TNHOTNEWS #KEMSOKHA #កឹមសុខា #អ៊ុងសាន់ស៊ូជី #លទ្ធិប្រជាធិបតេ
