អភិបាលខេត្តកំពង់ធំ ជួបសំណេះសំណាលជាមួយមន្ត្រីរាជការ និង​មន្ត្រី​ជាប់​កិច្ច​សន្យា ព្រមទាំងនិវត្តជន ក្នុងឱកាសបុណ្យចូលឆ្នាំថ្មី​

កំពង់ធំ៖ លោក ងួន រតនៈ អភិបាលខេត្ត និងលោក ឈុន ឈន់ ប្រធានក្រុមប្រឹក្សាខេត្តកំពង់ធំ នៅក្នុង​ឱកាស​ពិធីបុណ្យចូលឆ្នាំថ្មីប្រពៃណីជាតិខាងមុខនេះ បានអញ្ជើញជួបសំណេះសំណាលជាមួយ​មន្ត្រីរាជ​ការ និងមន្ត្រីជាប់កិច្ចសន្យាសាលាខេត្ត ព្រមទាំងនិវត្តជន កាលពីរសៀលថ្ងៃទី១១ ខែមេសា ឆ្នាំ២០២២។

ក្នុងឱកាសនោះ លោក ងួន រតនៈ​បានថ្លែងអំណរគុណដល់មន្ត្រីរាជការចូលនិវត្តន៍​ដែលបានខិតខំបម្រើ​ជាតិ​ និងដឹងគុណដែលពួកលោកបានបន្សល់ទុកនូវកេរមរតក ក៏ដូចជាស្នាដៃក្នុងការដឹកនាំ​ការងាររដ្ឋ​បាល​ខេត្តកន្លងមក ព្រមទាំងបានចែករំលែកនូវបទពិសោធន៍ និងចំណេះដឹងដល់ក្មេងៗ ជំនាន់ក្រោយ​ដែល​ជាអ្នកបន្តវេន ដែលជាទំពាំងស្នងឬស្សី ដើម្បីបន្តដឹកនាំរដ្ឋបាលខេត្ត ឱ្យមានការរីកចម្រើន ជាពិ​សេស​រក្សាបាននូវកត្តាសុខសន្តិភាពជូនប្រជាពលរដ្ឋប្រកបដោយភាពសុខដុមរមនា៕

#TNTV #TVTVONLINE #TNHOTNEWS #រដ្ឋបាលខេត្តកំពង់ធំ #ងួនរតនៈ #ចូលឆ្នាំថ្មី #ឈន់ឈាន់ #និវត្តជន