ចេញផ្សាយ ថ្ងៃចន្ទ ទី០១ ខែកុម្ភៈ ឆ្នាំ២០២១
ភ្នំពេញ៖ ដោយឥទ្ធិពលគ្រឿងស្រវឹង បុរសម្នាក់ បានបេីករថយន្តមួយគ្រឿង ទៅបុករះម៉ូតូនឹងរថយន្តជាច្រេីនគ្រឿងទៀត នៅមុខភោជនីដ្ឋាន V-Friend។
ហេតុករណីគ្រោះថ្នាក់ចរាចរណ៍នេះបានកើតឡើងនៅលើកំណាត់ផ្លូវលេខ១៥៦ ស្ថិតនៅក្នុងសង្កាត់វាលវង់ ខណ្ឌ៧មករា រាជធានីភ្នំពេញ វេលាម៉ោង១០.៣០នាទីយប់ ថ្ងៃទី៣១ ខែមករា ឆ្នាំ២០២១។
បើតាមប្រភពព័ត៌មាននៅកន្លែងកើតហេតុបានឲ្យអ្នកយកព័ត៍មាន TN Hot New ឲ្យដឹងថា នៅមុនកើតហេតុ គេបានឃើញបុរសម្នាក់ ស្ថិតនៅក្នុងស្ថានភាពស្រវឹងស្រា បានបើករថយន្តម៉ាកកាមរីហាយព្រីដ ពណ៌ស ពាក់ស្លាកលេខភ្នំពេញភ្នំពេញ 2U-7566 តាមបណ្តោយផ្លូវលេខ១៥៦ លុះពេលបើកមកដល់មុខហាងV. Frend ខាងលើ រថយន្តបង្កបានបុករះម៉ូតូនិងរថយន្តជាច្រើនគ្រឿងបណ្ដាលឲ្យរងការខូចខាត។ រីឯអ្នកបើករថយន្តបង្កក្រោយកើតហេតុភ្លាមៗត្រូវបានប្រជាពលរដ្ននៅកន្លែងកើតហេតុឃាត់ខ្លួនប្រគល់ទៅឲ្យសមត្ថកិច្ចចដើម្បីចាត់កាតបន្ត។
ក្រោយកើតហេតុសមត្ថកិច្ចជំនាញផ្នែកចរាចរណ៍ផ្លូវគោករាជធានីភ្នំពេញ បានចុះមកធ្វើការវាស់វែង រួចបានយករថយន្តបង្កនិងម៉ូតូព្រមទាំងរថយន្តរងការខូចខាតទាំងអស់ យកទៅរក្សាទុកជាបណ្តោះអាសន្នរងចាំធ្វើការដោះស្រាយគ្នានៅពេលក្រោយតាមផ្លូវច្បាប់៕
