ចេញផ្សាយ ថ្ងៃចន្ទ ១កើត ខែពិសាខ ឆ្នាំជូត ទោស័ក ពស២៥៦៤ ត្រូវនឹងថ្ងៃទី១២ ខែមេសា ឆ្នាំ២០២១
ភ្នំពេញ៖ នៅព្រឹកថ្ងៃទី១២ ខែមេសា ឆ្នាំ២០២១នេះ លោក កឹម សុខា អតីតប្រធាគណបក្សសង្គ្រោះជាតិ បានជួបពិភាក្សាជាមួយលោក Pablo Kang ឯកអគ្គរាជទូតអូស្ត្រាលី ប្រចាំនៅកម្ពុជា។
ជំនួយរវាងលោក កឹម សុខា ជាមួយទូតអូស្ត្រាលី ធ្វើឡើងតាមការអញ្ជើញរបស់លោកឯកអគ្គរាជទូតដោយផ្ទាល់។ នេះបើតាមការបញ្ជាក់របស់លោក កឹម សុខា និងថា ក្នុងជំនួបដោយការបិទទ្វានោះ ទាំងលោកទូត និងលោក កឹម សុខា ប្រព្រឹត្តិទៅក្រោមមនិសញ្ចេតនា រីករាយកក់ក្តៅ ដោយមានទាំងការពិភាក្សានិង ជូនពរគ្នាទៅវិញទៅមក ក្នុងឱកាសចូលឆ្នាំថ្មីប្រពៃណីជាតិខ្មែរយើង។
លោក កឹម សុខា បន្តថា ស្របពេលដែលស្ថានភាព ជម្ងឺឆ្លងកូវីដ-១៩ កំពុងរីករាលដាល ទូតនៃប្រទេសជាមិត្តរបស់កម្ពុជាមួយចំនួនមិនបានមកជួបលោកដោយផ្ទាល់ ក៏បានផ្ញើលិខិតអបអរសាទរ ជូនពរលោក និងភរិយា ក៏ដូចជាប្រជាពលរដ្ឋខ្មែរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរយើងផងដែរ។
លោកថា ជាការពិតណាស់ ក្នុងជំនួបនេះ រូបលោកបានផ្លាស់ប្តូរទស្សនៈ និងស្វែងយល់ពីគ្នាទៅវិញទៅមក ជាមួយលោកឯកអគ្គរាជទូតអូស្ត្រាលី អំពី ការវិវត្តន៍លើវិស័យនានានៅកម្ពុជា ក៏ដូចជាពិភពលោក និងបញ្ហាជំងឺឆ្លងកូវីដ-១៩(វិធានការនិងវ៉ាក់សាំង…) ផលប៉ះពាល់ជីវភាពរបស់ប្រជាពលរដ្ន និងបញ្ហាចំពោះមុខមួយចំនួនទៀត៕
#KemSokha # PabloKang #Covid19 #Coroa #កឹមសុខា #កូវីដ១៩ #កូរ៉ូណា #ទូតអូស្ត្រាលី
