ពោធិ៍សាត់៖ ការទន្ទឹងរងចាំជាយូរមកហើយ របស់បងប្អូនប្រជាពលរដ្ឋ រស់នៅឃុំបាក់ចិញ្ចៀន ក្នុងស្រុកភ្នំក្រវាញ ខេត្តពោធិ៍សាត់ ចំពោះការចុះបញ្ជីដីធ្លីជាលក្ខណៈប្រព័ន្ធ ពេលវេលាបានមកដល់ហើយ។
ពេលវេលាបានមកដល់ ដោយនៅថ្ងៃទី២៥ ខែតុលា ឆ្នាំ២០២១ លោក ហេង សុភាណា អភិបាល នៃគណៈអភិបាលស្រុកភ្នំក្រវាញ និង ប្រធានមន្ទីររៀបចំដែន ដីនគរូបនីយកម្ម សំណង់ ខេត្តពោធិ៍សាត់ បានអញ្ជើញជាអធិបតី ក្នុងពិធីប្រកាសជាសាធារណៈ នូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ ចំនួន២ភូមិ ស្ថិតក្នុងឃុំបាក់ចិញ្ចៀន ដែលក្នុងនោះនៅភូមិបាក់ចិញ្ចៀនមានចំនួន៨១៥ក្បាលដី និងភូមិកំពង់ខ្ទុម ៩០៣ក្បាលដី៕
