ភ្នំពេញ៖ សវនាការលោក កឹម សុខា ដែលកាន់តែអូសបន្លាយពីមួយថ្ងៃទៅមួយថ្ងៃ បានបង្ករឱ្យមានការព្រួយបារម្ភយ៉ាងខ្លាំង ទាំងអ្នកគាំទ្រ មហាជនទូទៅ ព្រមទាំងបណ្តាអង្គទូតនានាប្រចាំនៅកម្ពុជាផងដែរ។
ការអូសបន្លាយសវនាការនេះ បានធ្វើឱ្យប៉ះពាល់សល់សិទ្ធិសេរីភាពផ្ទាល់ខ្លួនរបស់លោក ពិសេសសិទ្ធិ នយោបាយ ក្នុងនាមមេដឹកនាំមួយរូបដ៏មានប្រជាប្រិយភាព សម្រាប់ការចូលរួមប្រគួតប្រជែងជាមួយគណបក្សកាន់អំណាចដោយសេរី ត្រឹមត្រូវ និងយុត្តិធម៌។
ដោយមានការព្រួយបារម្ភរឿងនេះ បើទោះបីជាបានតាមដានជាប់ជាប្រចាំនៃសវនាការលោក កឹមសុខា យ៉ាងណាក៏ដោយលោក Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា បានជួបពិភាក្សាដោយផ្ទាល់ជាមួយលោក កឹម សុខា ដោយលោកបានលើកឡើងថា ការបន្តអូសបន្លាយយ៉ាងយឺតយូរនូវសវនាការ បានធ្វើឱ្យប៉ះពាល់ដល់សិទ្ធិសេរីភាព និងលទ្ធភាពរបស់លោក កឹម សុខា ក្នុងការចូលរួមជីវភាពនយោបាយ និងការបោះឆ្នោតនាពេលឆាប់ៗខាងមុខនេះ។ ដោយលោកហៅ សវនាការលោក កឹម សុខា ជាហេតុផលនយោបាយ បន្តអូសបន្លាយដោយគ្មានដំណោះស្រាយ៕
